الأسئلة المتكررة

ازاي بتحدد السعر النهائي للمنتج؟

الحسبة بسيطة و هى محصلة ما يلى :

• سعر السلعة فى المـــوقع .
• تكلفة الشحن الداخلى فى أمريكا .
• الضرائب داخل أمريكا و هى عبارة عن 7.5% من سعر المنتج ان وجد
• تكلفه الشحن 7.5دولار للباوند
• تكلفة الضرائب و الجمارك المصرية .
• عمولة بسيطة الشركة .

احسب التكلفة الآن

جدول يبين الجمارك المصريه + ضريبه المبيعات حسب الصنف

Category	Customs + VAT
Computers / Computer Equipment / Laptop	14%
ُElectronics	25%
Books / Magazines	5%
Digital Camera/ Video Camera	30%
Clothes/Shoes	60%
Supplement / Meds / Vitamins	20% + $15 Clearance
Jewelry	45%
Markup / Perfumes / Cosmotics	65%
Sunglasses	45%
Gaming Consoles ( XBos - PSP - etc )	55%
Medical Equipments	30%
Tablet / Mobile	14% + $15 Clearance
Toys	30%
TVs	65%
Watch	48%
Services / Online Software	0%
Car Spare Parts / Accessories	20%
Blutooth Headsets	10% + $15 Clearance
Camera Accessories	20%
Medical Mobility / Disability	25%
Mobile Accessories non-bluetooth	14%
Printers	14%
RC Toys	35%
Routers / Wireless / RC	20% + $15 Clearance
Machinery / PLC / Construction Devices	25% + $15 Clearance

ليه بادفع 50% مقدم و ازاي بدفعه ؟

ال 50% تعتبر مبلغ بسيط للتاكيد علي نيه الشراء - احنا ح نديللك بياناتنا وعناوينا للتاكد من صدق النوايا - وكل اللي اتعاملنا معاهم يشهدولنا اقرأ آراء عملائنا

بالنسبه للدفع - ممكن عن طريق حواله بنكيه او عن طريق حواله بريديه او عن طريق الكريدت كارد او الباي بال

هوه الحاجه من امريكا ارخص من مصر؟

- لو المنتج اللي انته عايزه موجود في مصر - اشتريه من مصر ارخص - لان السعر النهائي اللي بنحسبه فيه تكاليف ثابته - ولو انت بتشتري قطعه واحده التكاليف الثابته ح تبقي عليك - اشتري من امريكا الحاجات اللي مش موجوده في مصر او لو عايز تجيب حاجه باعلي المواصفات.

ايه رايك الجديد و لا المستعمل؟

انا مع الجديد - لكن لو فرق السعر كبير و المستعمل مش قديم اوي - ليه لا - مشكله المستعمل انك تبقي خايف تشتري و بعدين توصلك مصر و مش شغاله - وطبعا مش ح تقدر ترجعها لانها ح تكلفك شحن اكتر من تمنها - ولكن لو قررت تشتري مستعمل انا ممكن اساعدك - سالت ازاي؟ انا عايش في امريكا و ممكن اجربلك الحاجه و اتاكد انها شغاله قبل ما ابعتها مصر - ولكن اتاكد انك تطلب اني اجربلك الحاجه .

هل في حد ادني او اقصي للشراء؟

لا يوجد حد ادني للشراء - ولكن في مصاريف ثابته علي كل مره تشتري حاجه زي مصاريف التخليص الجمركي - يعني لو ح تشتري كذا حاجه الافضل و الاوفر انك تجيبهم مره واحده و بالنسبه للحد الاقصي فهو 2500$ في المره الواحده

ازاي استلم المنتج؟

في طريقتين - الاولي اننا نبعتلك عن الطرد عن طريق البريد بطريقه الدفع عند الاستلام و الطريقه التانيه انك تشرفنا في مكتبنا في الاسكندريه و تستلم الحاجه بنفسك وفي جميع الاحوال أحنا ح نراسلك علي الايميل الخاص و ح نديلك كل البيانات .

هل ممكن استرجاع المنتج؟

ممكن للجديد فقط خلال اسبوع - و لكن اللي ح يرجعلك هو سعر المنتج ناقص الشحن لامريكا - لو المنتج مستعمل لا يمكن ترجيعه .